لاہور کی سیشن عدالت نے اداکار محسن عباس حیدر کی اہلیہ تشدد کیس میں 5 اگست تک عبوری ضمانت منظور کرلی ہے۔

 تفٓصیلات کے مطابق اداکار محسن عباس نے عدالت میں اپنے اوپر لگنے والے الزامات کی تردید کرتے ہوئے کہا مجھ پرتشدد کا غلط الزام لگایا گیا، میں نے کئی بار کوشش کی کہ صلح ہو جائے لیکن ایسا نہ ہو سکا۔

کیس کے دوران محسن عباس نے ضمانت کی درخواست کی عدالت نے منظور کرتے ہوئے سماعت پانچ اگست تک ملتوی کردی ہے۔

ایڈیشنل سیشن نے ضمانت منظورکرتے ہوئے پولیس تھانہ ڈیفنس سی سے مقدمے کی مکمل تفصیلی رپورٹ بھی طلب کرلی۔

میڈیا سے گفتگو میں محسن عباس حیدر نے کہا کہ یہ سارا کچھ پری پلان کیا گیا ہے،اب ان کے کیس کا فیصلہ عدالت میں ہی ہوگا۔