چیف جسٹس پاکستان جسٹس آصف سعید کھوسہ نے کہا کہ جھوٹی گواہی انصاف کی راہ میں سب سے بڑی رکاوٹ ہے جبکہ صحیح ثبوت کے بغیر انصاف فراہم نہیں کیا جا سکتا ہے۔

چیف جسٹس پاکستان جسٹس سردار آصف سعید کھوسہ کا پنجاب جوڈیشل اکیڈمی میں جینڈر بیسڈ وائلنس لاء پر ورکشاپ سے خطاب  کرتے ہوئے کہنا تھا کہ پیچیدہ کیسز میں کمپیوٹر بھی مدد فراہم کرے گا اسلیئے ججز کو وائس ٹائپنگ کی سہولت جلد فراہم کر دی جائے گی ۔

انکا مزید کہنا تھا کہ اس ملک کی سینئر جوڈیشری نے 5 اہم پروگرام شروع کئے ہیں جبکہ اس کمیٹی کے 9 ممبر ہیں اور ان میں سابق آئی جی پولیس شامل ہیں۔

دوسری جانب تقریب سے خطاب کرتے ہوئے چیف جسٹس لاہور ہائی کورٹ  سردار شمیم خان نے کہا کہ پوری دنیا صنفی بنیاد پر تشدد کے حوالے سے پریشان ہے۔

جبکہ سپریم کورٹ کے جسٹس سید منصورعلی شاہ نے کہا کہ سب بڑی کامیابی اس وقت ملی جب ملک میں بچوں اور خواتین پر تشدد کیخلاف عدالتیں قائم ہوئیں۔