کراچی میں  شارع فیصل تھانے کے ایس ایچ او کو بھتہ وصول کرنا مہنگا پڑگیا، ویڈیوسامنےآنے پر آئی جی سندھ نےمعاملے کی تحقیقات کا حکم دے دیا گیا۔

تفصیلات کے  مطابق شارع فیصل تھانے کے ایس ایچ او نےایک نجی گیسٹ ہاؤس  کے مالک کو 28 جون کو تھانےطلب کیا اور ہر ماہ 3 لاکھ روپے بھتہ ادا کرنے کا کہا۔

گیسٹ ہاؤس کے مالک کا کہنا ہے کہ مجبور ہوکرمیں نے ایک لاکھ روپے جمع کرائے تو 6 دن بعد مہنگے فون کا مطالبہ کیاگیا،انکار پر پولیس اہلکاروں کو گھر بھیج دیا جنہوں نے تشدد کرکے گرفتار کرلیا۔

واقعے کی ویڈیو وائرل ہونے پر آئی جی سندھ نے معاملےکی تحقیقات کا حکم دیتے ہوئے کہا ہے کہ غیر جانبدارانہ انکوائری کرکے انصاف کے تقاضوں کو پورا کیا جائے۔