پاکستان رینجرز(سندھ)نے انٹیلی جنس معلومات کی بنیاد پرعوامی کالونی کے علاقے میں پولیس کے ساتھ مشترکہ کارروائی کرتے ہوئے ملزم ارشدعلی عرف کاکاعرف علی کو گرفتار کر لیا۔ جو علاقے میں منشیات فروشی اور ڈکیتی کی متعدد وارداتوں میں ملوث تھا۔

 اس کے علاوہ فیروزآباد کے علاقے میں رینجرز نے کارروائی کرتے ہوئے 2 ملزمان عدیل احمد اور محمد جنید صدیق کو گرفتار کرلیا جو ڈکیتی کی متعدد وارداتوں میں ملوث تھے۔

تفصیلات کے مطابق ملزمان کے قبضے سے اسلحہ، ایمونیشن،مسروقہ ساما ن اور منشیات بھی برآمدکرلی گئی ہے اور تینوں ملزمان کو قانونی کارروائی کیلئے پولیس کے حوالے کر دیا گیا ہے۔

 عوام سے اپیل ہے کہ ایسے عناصر کے بارے میں اطلاع فوری طور پر قریبی چیک پوسٹ،رینجرز ہیلپ لائن 1101 یا رینجرز مددگار واٹس ایپ نمبر03162369996 پر کال یا ایس ایم ایس کے ذریعے دیں۔آپ کا نام صیغہ راز میں رکھا جائے گا۔