پرائیویٹ اسکولوں نے تیز بارش کے پیش نظراسکول بند رکھنے کا اعلان کر دیا ہے۔

تفصیلات کے مطابق پرائیویٹ اسکول ایسوسی ایشن نے بارش کی پیش گوئی کے باعث جمعرات کو کراچی کے تمام نجی اسکول بند کرنے کا فیصلہ کیا ہے۔

پرائیویٹ سکول ایسوسی ایشن کی جانب سے نوٹیفکیشن جاری کیا گیا ہے کہ تیز بارش کی وجہ سے کل کراچی کے تمام نجی سکول بند رہیں گے۔

ایسوسی ایشن کا مزید کہنا ہے کہ کراچی کے نجی اسکولوں کو بند رکھنے کا فیصلہ شہر میں متوقع تیز بارش کے باعث کیا گیا ہے۔

واضح رہے کہ کراچی میں آج دوپہر ہونے والی تیز بارش کے بعد شہر کے دوپہر کی شفٹ کے متعدد اسکولوں اور دیگر تعلیمی اداروں میں چھٹی کر دی گئی تھی۔

جبکہ کراچی میں شدید بارشوں کا سلسلہ مسلسل جاری ہے جس کی وجہ سے نالہ لئی میں بھی پانی کے بہاؤ میں اضافہ ہوا ہے اور نظامِ زندگی بھی متاثر ہے۔

محکمہ موسمیات کے مطابق کراچی سمیت ملک کے بیشتر حصوں میں چند مقامات پر تیز ہوائوں،آندھی اور گرج چمک کے ساتھ مزید بارش کا امکان ہے۔