حکومت پاکستان کی جانب سے سکھوں کی عبادت گاہیں کھولی جا رہی ہیں وہیں جہلم میں سکھوں کے روحانی پیشوا بابا گورو نانک کی عبادت گاہ کا افتتاح کر دیا گیا۔

سکھوں کے روحانی پیشوا بابا گرو نانک کی عبادت گاہ کا قلعہ روہتاس کے احاطہ میں افتتاح کیا گیا۔

 ملک بھر سے سکھ یاتریوں کی آمد کا سلسلہ جاری ہے جو اپنی عبادت گاہ کو دیکھنے آرہے ہیں ۔

 سکھ یاتریوں کا کہنا تھا کہ پاکستان ایک پرامن و محفوظ ملک ہے، ہم دنیا بھر میں اپنی عبادت گاہوں پرجاتے ہیں مگر جتنا سکون و سہولیات ہمیں پاکستان میں دی جاتی ہیں شاید  ہی کوٸی اور ملک دیتا ہو۔

 پاکستان کے جھنڈے اٹھاٸے سکھ یاتری اس بات کا پیغام دے رہے تھے کہ  پاکستان ایک پر امن ملک ہے۔ جہاں سکھوں کی عبادت گاہوں کو محفوظ اور بہتر کیا جا رہا ہے وہیں انکی سکیورٹی کے لیے بھی اچھے انتظامات کیے جا رہے ہیں۔

 کرتار پور بارڈرکھولنے پر حکومت پاکستان کا شکریہ ادا کرتے ہیں۔  حکومت پاکستان ہمیں تحفے پر تحفے دے رہی ہے مگر بھارتی میڈیا پاکستان کو بدنام کر رہا ہے لیکن حقاٸق اس سے بہت برعکس ہیں ہم جتنا محفوظ خود کو پاکستان میں سمجھ رہے ہیں کسی دوسرٕے ملک میں نہیں ہو سکتے۔

 انہوں نے بہترین انتظامات پر حکومت پاکستان، پاک آرمی، قانون نافذ کرنے والے اداروں کا شکریہ ادا کیا۔ اس کے ساتھ ساتھ ضلعی انتظامیہ کے کردار کو بھی بہت سراہا۔