وزیراعلی سندھ مراد علی شاہ نے سندھ صوبے میں پلاسٹک بیگز کے استعمال پر پابندی لگانے کا فیصلہ کرلیا ہے۔

وزیراعلی سندھ مراد علی شاہ نے محکمہ ماحولیات سندھ کا پلا سٹک کی تھلیوں ہر مکمل پا بندی لگانے کا اعلان کر دیا ہے۔

تفصیلات کے مطابق وزیراعلی سندھ نے میڈیا سے با ت کرتے ہوئے کہا کہ پلاسٹک کی تھیلیاں ماحول کے لیے نقصاندہ ہیں ، یکم اکتوبر 2019سے صوبا سندھ میں پلاسٹک کے استعمال پر پابندی ہوگی۔

وزیراعلی سندھ مراد علی شاہ کا یہ بھی کہنا تھا کہ پلاسٹک استعمال پر پابندی پر قانونسازی بھی کی جا ئے گئی۔

اس موقع پرترجمان سندھ حکومت مرتضی وہاب نے کہا کہ پلاسٹک کی تھیلیاں نالوں کو بلاک کرنے کا بڑا سبب ہیں، کراچی کے پچاس فیصد سے زائد برساتی نالے چوک ہونے کی ایک وجہ پلاسٹک کی تھیلیاں ہیں۔

مرتضی وہاب نے کہا کہ ماحولیات سندھ نے صوبے میں پلاسٹک کے استعمال پر پابندی کا فیصلہ کیا ہے، انشاء اللہ پورا ملک اس مہم سے سرسبز ہوگا ۔

وزیرماحولیات و ترجمان کا کہنا تھا کہ پابندی کا فیصلہ محکمہ ماحولیات حکومت سندھ نے کیا ہےاور اب اس مہم کو سوسائٹی سے انگیج کریں گے۔

مرتضی وہاب کا یہ بھی کہنا تھا کہ محکمہ ماحولیات کے تحت پلاسٹک کی تھیلیوں کے استعمال سے متعلق عوامی آگاہی مہم کا آغاز کردیا ہے۔

انھوں نے کہا کہ ہم کلفٹن تین تلوار پر شہریوں میں کپڑے کے تھیلے تقسیم کئے اور اس اقدام پرشہریوں کی جانب سے محکمہ ماحولیات کی مہم کی پزیرائی ملی ہے ۔

مشیر ماحولیات بیرسٹر مرتضی وہاب نے کہا کہ شہر کے مختلف علاقوں میں بھی کپڑے کے تھیلے تقسیم کئے جائینگے ، جس کا مقصد پلاسٹک کی تھیلوں کا استعمال روکنا ہے۔

مرتضی وہاب نے پلاسٹک کی تھیلیاں بنانے والے کارخانے داروں، دکانداروں اور قومی میڈیا سے تعاون کی اپیل کرتے ہوئے کہا کہ کارخانے داروں، دکانداروں اور میڈیا کے تعاون کے بغیر مہم کا کامیابی سے ہمکنار ہونا ممکن نہیں۔

بیرسٹر مرتضی وہاب نے کراچی سمیت سندھ بھر کے عوام سے اپیل کی کہ وہ اس آگاہی مہم میں سندھ حکومت کا ساتھ دیں،ان کا کہنا تھا کہ پلاسٹک کی تھیلیوں کا استعمال پہلے سے ممنوع ہے ہم اس پر عملدرآمد کروانا چاہتے ہیں۔

 وزیرماحولیات و ترجمان مرتضی وہاب نے مزید کہا کہ یکم اکتوبر کے بعد قانون حرکت میں آئیگا، پابندی کے اطلاق کے بعد ممنوعہ پلاسٹک کی تھیلیاں استعمال، بنانے اور فروخت کرنے والوں کے خلاف کارروائی ہوگی۔