سندھ ہائی کورٹ نےغیرقانونی الاٹمنٹ کیس میں سابق وزیراعلیٰ  قائم علی شاہ کی 10روز کیلئے عبوری ضمانت منظورکرلی ہے۔

تفصیلات کے مطابق سابق وزیراعلیٰ سندھ قائم علی شاہ کو گرفتاری کا خوف سے حفاظتی ضمانت کے لیے عدالت پہنچ گئے۔

قائم علی شاہ نے درخواست میں مؤقف اختیار کیا کہ کل معلوم ہوا،سجادعباسی وعدہ معاف گواہ بن گئے ہیں،کہاگیاسجادعباسی میرے اوردیگرکیخلاف گواہ بن گئےہیں۔

سابق وزیراعلیٰ قائم علی شاہ کا مزید کہنا تھا کہ میں اسلام آباد میں متعلقہ فورم پرجانےکوتیار ہوں،خدشہ ہے نیب حکام مجھے کراچی سے نکلتےہی گرفتارکرلیں گے،21روزکی حفاظتی ضمانت منظورکی جائے۔

سندھ ہائی کورٹ نے بحریہ آئیکون اراضی غیرقانونی الاٹ کرنے کے کیس میں سابق وزیراعلیٰ قائم علی شاہ کی حفاظتی ضمانت کی درخواست منظور کرلی گئی ہے۔

عدالت نےقائم علی شاہ کی 10روز کیلئےضمانت منظورکرتے ہوئے قائم علی شاہ کو پانچ لاکھ روپے زرِضمانت جمع کرانےکا حکم دیا ہے۔