بھارتی فوج کی لائن آف کنٹرول کے گاؤں ہلمت اور ٹنڈواس میں گولہ باری سے بچی سمیت 2 شہری شہید  جبکہ 5زخمی ہوگئے۔

ظلعی انتظامیہ کے مطابق بھارتی فوج نے وادی نیلم میں ہلمت ، تاوبٹ، نکرو سمیت متعدد علاقوں کو نشانہ بنایا ، بھارتی فوج نے ضلع جہلم ویلی کے علاقے پانڈو اور لیپا سیکٹر میں بھی گولہ باری بھی کی ۔لائن آف کنٹرول پر بھارتی گولہ باری سے تین مکان بھی جل کر خاکستر ہو گئے ہیں ۔

ضلعی انتظامیہ نے بتایا کہ بھارتی گولہ باری سے شہید ہونے والوں میں نوشین بی بی دختر رمضان ساکنہ ٹنڈواس اور عبدالجلیل شاہ ولد محمد شاہ شامل  ہیں جبکہ زخمیوں میں اشفاق لون، حاجرہ بی بی، بیگم جان، عبدالرحمان لون، محمد اسد اللہ ساکنہ ہلمت شامل  ہیں ۔

پاک فوج نے بھرپور جوابی کارروائی سے دشمن کی توپیں خاموش کروادیں۔

واضح رہے کہ بھارت مسلسل لائن آف کنٹرول کی خلاف ورزی کرکے پاکستانی شہریوں کو شہید کر رہا ہے۔