پاکستان میں ذوالحج کا چاند نظر آگیا، ملک بھر میں عید الضحیٰ 12 اگست بروز پیر کو ہوگی ۔

تفصیلات کے مطابق مرکزی رویت ہلال کمیٹی کے سربراہ مفتی مینب الرحمان کی زیر صدارت رویت ہلال کمیٹی کا اجلاس کراچی میں ہوا۔

ملک کے مختلف حصوں سے چاند نظر آنے کی شہادتیں موصول ہونے کے بعد مفتی منیب الرحمان نے  عیدالاضحیٰ 12 اگست بروز پیر کو ہونے کا اعلان کیا۔

اجلاس میں زونل رویتِ ہلال کمیٹی کے اراکین کے علاوہ محکمۂ موسمیات کے ماہرین  بھی شریک تھے۔

واضح رہے کہ سعودی عرب میں ذوالحج کا چاند  کل نظر آگیا تھا جس کے تحت رواں سال حج کا رکن اعظم 10 اگست  بروز ہفتے کو ادا کیا جائے گا  جبکہ عید الاضحیٰ 11 اگست بروز اتوار کو منائی جائے گی۔

یاد رہے کہ محکمۂ موسمیات کی جانب سے  پہلے ہی ذوالحج کا چاند آج نظر آنے کی پیشگوئی کی گئی  تھی  جبکہ وزیر سائنس اینڈ ٹیکنالوجی فواد چوہدری کے رویت کلینڈر کے مطابق بھی عیدِ قرباں 12 اگست کو ہی  ہونا تھی۔