لائن آف کنٹرول پرجنگ بندی معاہدے کی خلاف ورزی پر بھارتی ڈپٹی ہائی کمیشنر کو دفتر خارجہ طلب کر لیا گیا۔

تفصیلات کے مطابق بھارتی ڈپٹی ہائی کمیشنر کو دفتر خارجہ طلب کر لیا گیا۔ بھارتی ڈپٹی ہائی کمشنر کی طلبی ڈی جی ساؤتھ ایشا و سارک ڈاکٹر محمد فیصل نے کی۔ایل او سی پر سیز فائر معاہدے کی خلاف ورزی پر پاکستان کا شدید ردِعمل سامنے آیا ہے۔

اس سے قبل بھارتی افواج نے 27 اگست کو ایل او سی کے نکرن سیکٹر پر بلا اشتعال فائرنگ کی تھی۔

بھارتی فورسز کی فائرنگ سے 2 معصوم شہریوں نے جام شہادت نوش کیا تھا۔

واضح رہے کے اس سے قبل بھی بھارتی ڈپٹی ہائی کمیشنر کو دفتر خارجہ طلب کیا گیا تھا۔

ترجمان دفتر خارجہ نے واضح کیا تھا کہ بھارتی افواج لائن آف کنٹرول پر تسلسل سے شہری آبادی کو بھاری اسلحہ سے نشانہ بنا رہی ہے۔

بھارت کی طرف سے جنگ بندی کی خلاف ورزی علاقائی امن و سلامتی کے لئے خطرہ ہے۔

ترجمان دفتر خارجہ نے بھارت پر زور دیا ہے کہ 2003کی جنگ بندی مفاہمت کا احترام کرے۔

بھارت اپنی افواج کو جنگ بندی پر مکمل عملدرآمد کی ہدایت کرے۔ لائن آف کنٹرول اور ورکنگ باونڈری پر بھارت امن برقرار رکھے۔

بھارت اقوام متحدہ کے امن مشن کو سلامتی کونسل کی قراردادوں کے مطابق کردار ادا کرنے دے۔