گورنر ہاؤس کراچی میں حلف برداری کی تقریب میں 4 نئے وزراء نے حلف اُٹھا لیا۔

تفصیلات کے مطابق سندھ کابینہ میں توسیع کر دی گئی چاروزراء کے حلف کے بعد کابینہ ارکان کی تعداد اٹھارہ ہوگئی ہیں۔

حلف اُٹھانے والوں میں سید ناصر شاہ، عبدالباری پتافی، جام اکرام دھاریجو اور سہیل انور سیال شامل ہیں۔

جبکہ سندھ کابینہ میں دو نئے مشیر نثار احمد کھوڑو اور اعجاز شاہ شیرازی بھی شامل ہونگے۔

دو مشیروں کی شمولیت سے کابینہ میں مشیروں کی تعداد چار ہوجائے گی۔

یاد رہے سندھ کابینہ میں توسیع کے سلسلے میں گورنر ہاؤس میں حلف برداری کی تقریب آج دو بجے منعقد کی گئی تھی۔

واضح رہے کہ ناصر شاہ نے گھوٹکی میں ہونے والے ضمنی انتخابات سے قبل اپنی وزارت سے استعفیٰ دیا تھا۔

جبکہ سہیل سیال بھی پیپلز پارٹی کے پچھلے دور حکومت میں صوبائی وزیر داخلہ کے فرائض انجام دے چکے ہیں۔