احتساب عدالت نے شہباز شریف کے بیٹے سلمان شہباز کے خلاف کارروائی شروع کرتے ہوئےانھیں گرفتارکرنےکاحکم دیا ہے۔

تفصیلات کے مطابق نیب لاہور کے پراسیکیوٹرحافظ اسد اللہ اورحارث قریشی ایڈووکیٹ نے احتساب عدالت میں سلمان شہبازکی گرفتاری کی درخواست دائرکی۔

احتساب عدالت کےجج امیرمحمد خان نے نیب لاہورکی درخواست منظورکرتے ہوئے سلمان شہبازکےناقابل ضمانت وارنٹ گرفتاری جاری کردیئے ہیں۔

زرائع کے مطابق عدالت نے پولیس کو سلمان شہباز کو دس اگست تک ہرحال میں گرفتار کرکے عدالت میں پیش کرنے کاحکم دیا ہے۔

واضح رہےکہ نیب نے سلمان شہبازکو 30 اکتوبرکو طلب کیا تھا،لیکن سلمان شہباز نیب پیشی سے 3 دن پہلےملک چھوڑ کرلندن فرارہوگئے تھے۔

یاد رہےکہ منی لانڈرنگ اورآمدن سےزائد اثاثوں کےکیس میں نیب نے شہبازشریف کے بڑے بیٹے حمزہ شہباز کو پہلے ہی گرفتارکررکھا ہےاوران کے جسمانی ریمانڈ میں کئی بار توسیع کی جاچکی ہے۔