پارلیمنٹ ہاوس اسلام آباد کے باہر میڈیا سے بات کرتے ہوئے پاکستان  مسلم لیگ ن کے رہنما احسن اقبال کا کہنا تھا کہ ہم افغانستان کے امن کو کشمیر سے نہیں جوڑنا چاہتے ہیں۔

دہشتگردی کے خلاف جنگ میں بڑا نقصان ہوا ہے، کشمیر کے ساتھ افغانستان میں بھی امن ضرری ہے، ہم افغانستان میں امن عمل کی مکمل حمایت کرتے ہیں، پرامن افغانستان خوشحال پاکستان کی ضمانت ہے۔

جبکہ  شہباز شریف کی گفتگو سے غلط فہمی پیدا ہوئی ہے۔

 مریم  نواز کی گرفتاری پر ردعمل  کا اظہار کرتے ہوئے احسن اقبال کا کہنا تھا کہ یہ حکومت نئی انتقامی کاروائیوں کی لہرلا رہی ہے جبکہ  ایسے اقدامات سے حکومت مسلم کشمیر سے توجہ ہٹانا چاہتی ہے۔

 ملکی معیشت پر بات کرتے  ہوئے ان کا کہنا تھا کہ  حالیہ  مہنگائی  اس بات کی  دلیل ہے کہ حکومت نے معیشت کو تباہ کر دیا ہے، ملک میں تاریخ کی سب سے زیادہ مہنگائی ہو رہی ہے اور حکومت اپنی معاشی ناکامیوں  کو چھپانے کے لئے  قومی اداروں کو شامل کر رہی ہے۔

جبکہ  معیشت کی ناکامی سے مسلح افواج کو دور رہنا چاہیے، فوج پر معیشت کو تباہ کرنے کا الزام نہیں آنا چاہیے۔ مسلح افواج کو پیغام دیتے ہیں وہ اپنے دائرہ کار کو ملک دفاع سے باہر نہ نکلنے دیں۔