ڈاکٹرمحمد فیصل نے بھارتی ڈپٹی ہائی کمشنر گورواہلو والیا کو دفتر خارجہ طلب کیا۔

ترجمان دفتر خارجہ نے بھارتی ڈپٹی ہائی کمشنر طلبی کے دوران بھارت کی جانب سے آج لائن آف کنٹرول کی بلا اشتعال خلاف ورزی کی شدید مزمت بھی کی۔

 ترجمان دفتر خارجہ کا کہنا تھا کہ یہ خلاف ورزیاں لیپ اور نقل سیکٹر میں کی گئیں, ان خلاف ورزیوں میں نائیک تنویر احمد, لانس نائیک تیمور اسلم اور سپاہی رمضان شہید ہوے۔

ترجمان دفتر خارجہ نے مزید کہا کہ بھارتی قابض افواج مسلسل ایل او سی اور ورکنگ باؤنڈری پر جنگ بندی معاہدے 2003 کی خلاف ورزیاں کررہی ہیں۔

بھارت کی مسلسل خلاف ورزیوں سے علاقائی امن و استحکام کو خطرات لاحق ہو رہے ہیں۔

یہ خلاف ورزیاں کسی بھی تزویراتی غلطی کا باعث بن سکتی ہیں۔

 ڈی جی جنوبی ایشیاء نے بھارت کو اپنی مسلح افواج کو جنگ بندی کا احترام کرنے, ورکنگ باؤنڈری اور ایل او سی پر امن کو بحال رکھنے کا پابند بنانےکی ہدایت کی۔

اس کے علاوہ ڈی جی جنوبی ایشیا نے بھارت کو اقوام متحدہ کے مبصر مشن کو سلامتی کونسل کی قراردادوں میں موجود مینڈیٹ کے مطابق کردار ادا کرنے کی اجازت دینے کے لئے دباؤ بھی ڈالا۔