وزیر اعظم عمران خان نے فرانس کے صدر اور اردن کے بادشاہ  سے ٹیلیفونک رابطہ ہوا ہے جس میں وزیراعظم عمران خان نے عالمی رہنماؤں سے کشمیر کی تازہ صورتحال پر تبادلہ خیال بھی کیا گیا ہے۔

تفصیلات کے مطابق وزیر اعظم عمران خان نے ٹیلیفونک گفتگو میں عالمی رہنماؤں کو بتایا ہے کہ بھارتی جارحیت سے کشمیر میں انسانی حقوق کی صورتحال انتہائی نارک ہے اور بھارتی اقدامات سے خطے کا امن اور سلامتی خطرے میں ہے۔

وزیر اعظم نے مزید بتایا کہ بھارت متنازع علاقےکی ڈیموگرافی تبدیل کرنےکی کوشش کر رہا ہے جبکہ وزیر اعظم عمران خان نے عالمی رہنماؤں سے کہا ہے کہ عالمی برادری مقبوضہ کشمیر کی بگڑتی ہوئی صورتحال کا نوٹس لیں۔

اعلامیہ کے مطابق فرانسیسی صدر نے افغان امن عمل میں پاکستان کے کردار کی تعریف کی گئی ہے جبکہ دوسری جانب شاہ عبداللہ نے کہا ہے کہ مذاکرات کے ذریعے مسئلہ کمشیر کو پر امن طریقے سے حل کرنے کی ضرورت ہے۔

واضح رہے کہ اس سے قبل وزیر خارجہ مخدوم شاہ محمود قریشی کا ‏کویت کے نائب وزیراعظم و وزیر خارجہ شیخ صباح خالد الحماد الصباح اور آذربائجان کے وزیر خارجہ ایلمار مامد یارووف سے ٹیلیفونک رابطہ ہوا ہے۔