سربراہ جی ڈی اے پیر پگارا صدالدین شاہ راشدی نے کہا کہ سندھ حکومت افراتفری کا شکار ہے۔

تفصیلات کے مطابق سربراہ جی ڈی اے پیر پگارا نے جی ڈی اے اہم اجلاس 30 اگست کو طلب کیا تھا جو کہ کنگری ہائوس کراچی میں ہوا۔

اجلاس کے متعلق ذرائع کا کہنا ہے کہ اجلاس میں ملکی حالات ، سرحدوں پر کشیدگی اور سندھ میں سیاسی معاملات پر تبادلہ خیال کیا گیا جبکہ جی ڈی اے سندھ کی سیاسی صورتحال کو مزید تیز کرنے پر غور بھی کیا اور جلاس میں سندھ میں سیاسی تبدیلی سے م متعلق اہم فیصلے بھی کیے گئے ہیں۔

جی ڈی اے اجلاس کے بعد مرکزی رہنماوؤں نے بریفنگ دی، جس میں ایاز لطیف پلیجو نے کہا کہ صوبائی حکومت میں تبدیلی کے لئے پیپلزپارٹی کے کئی اراکین اسمبلی کی حمایت حاصل ہونے کا دعویٰ بھی کردیا جبکہ سندھ میں سیاسی رابطوں کے بارے میں علی گوہر مہراورصدارالدین شاہ نے تفصیلی رپورٹ بھی دی۔

جی ڈی اے رہنما عرفان اللہ مروت نے کہا کہ میں جب پڑھنے آیا تھا بجلیوں کا شہر کہلاتا تھا اور اب اسے گندگی کا شہر کہا جاتا ہے۔

رہنماوں کا کہنا تھا کہ صوبے میں بنیادی سہولتوں اورحقوق کی خلاف ورزی ہورہی ہے وزیر اعظم آئین کے آرٹیکل تیس کی شق سات کے تحت نوٹس لیں۔

جی ڈی اجلاس میں تمام ایم پی ایز،ایم این ایز اورسینیٹرز شریک ہوئے۔