وائس چئیرمین سینٹرل ملڑی کمیشن جنرل ژو کیلونگ نے جی ایچ کیو کا دورہُ کیا جبکہ دورہ میں چیف آف آرمی اسٹاف جنرل قمر جاوید باجوہ سے ملاقات بھی کی گئی۔

جنرل ژو کیلونگ کی سربراہی میں وفد نے پاکستانی ملڑی وفد کے ساتھ دو طرفہ دفاعی تعلقات اور تعاون پر بات چیت کی گئی جبکہ پاک فوج کی صلاحیتوں کو بڑھانے کے حوالے سے پاک چین مفاہمتی یادداشت پر بھی دستخط کئے اور جنرل ژو کیلونگ نے یادگار شہدا پر پھول چڑھائے۔

اس موقع پر جنرل ژو کیلونگ کا کہنا تھا کہ پاکستان اور چین کے درمیان گہرے دوستانہ تعلقات ہیں۔

ملاقات میں آرمی چیف جنرل قمر جاوید باجوہ نے کشمیر سمیت اہم معاملات پر چین کی حمایت کو سراہا۔

چینی جنرل نے اس موقع پر کہا کہ ہم پاکستان سے اپنے مثالی تعلقات کو خصوصی اہمیت دیتے ہیں۔

دریں اثنا، وفود کی سطح پر مذاکرات کے بعد دفاعی تعاون کے ایم او یو پر دستخط کیے گئے، چینی جنرل نے یادگار شہدا پر حاضری دی اور پھول چڑھائے۔