آسمان گرا نہ زمین پھٹی مریدکے میں سنگدل  باپ نے دوسری شادی کی خاطر اپنی دوبیٹیوں  کو قتل  کردیا ۔

تفصیلات کے مطابق شیخوپورہ کے علاقہ  مریدکے  میں  تھانہ سٹی کے بالمقابل آبادی سلطان پارک میں  دوسری شادی کی خاطر محبوبہ کے کہنے پر سنگدل باپ نے تین سالہ دو جڑواں بیٹیوں تین سالہ منیہا اور تین سالہ منیبہ کو زہر دیکر مارڈالا ۔

پولیس کا کہنا ہے کہ  دوسری شادی کرنے کی  وجہ سے افضل نے محبوبہ کی خواہش پر دونوں کمسن بیٹیوں کو زہر دیکر مارڈالا اور انکی نعشوں کے قریب دہی چاول اور سرف بکھیر کر ڈرامہ رچا دیا کہ اس کی دونوں بیٹیاں رات کے باسے چاول یا کھیلتے سرف کھانے سے جاں  بحق ہوگئی ہیں۔

واقعے کے بعد  پولیس دو کمسن بچیوں کی ہلاکت پر فوری حرکت میں آئی اور فوری طور پر بچیوں کی نعشوں کو تحویل میں لے  کر فرانزک ٹیم طلب کرلیا جس کی تحقیقات اور کیمکل رپورٹ کے بعدباپ کا جھوٹ سامنے آگیا  ۔

  مقتول کمسن بچیوں کے نام   نبیہا اور منیبہ ہیں ۔

پولیس کے مطابق ملزم نے ڈراما کیا تھا کہ بیٹیوں نے سرف کھا لیا ہے جس کی وجہ سے وہ مر گئیں، لیکن فرانزک رپورٹ نے ملزم کا جھوٹ بے نقاب کر دیا پولیس کے مطابق   گرفتار ملزم نے   بیٹیوں کو زہر دیکر مارنے کا اعتراف کرلیا ہے ۔

واضح  اس سے  قبل پنجاب کے علاقے راجن پور میں  ایک افسوسناک  خبر سامنے آئی تھی  ۔ضلع راجن پور کے علاقے بستی بسم اللہ میں ایک بد بخت سوتیلے باپ نے کم سن بیٹی سے زبردستی شادی کرلی تھی، جس پر بیٹی حنا تحفظ کے لیے تھانہ سٹی جا پہنچی تھی جس پر پولیس نے سوتیلے باپ کے خلاف مقدمہ درج کر لیا تھا۔