چیئرمین نیب جسٹس ریٹائرڈ جاوید اقبال کا کہنا ہے کہ عوام کی لوٹی ہوئی رقم کی واپسی نیب کی اولین ترجیح ہے۔

نیب ہیڈکوارٹرمیں کھلی کچہری سے خطاب  میں چیئرمین نیب نے ملک سےبدعنوانی کےخاتمے کاعزم دہراتے ہوئے کہاکہ عوام کی لوٹی ہوئی رقم کی واپسی نیب کی اولین ترجیح ہے۔

چیئر مین  نیب نے کہا کہ نیب کا ایمان کرپشن  سے پاک پاکستان ہے۔ نیب بدعنوانی کے خلاف سرگرم ہے۔

جسٹس ریٹائرڈ جاوید اقبال نے ہدایت کی کہ عوام کی تمام شکایات کو کمپیوٹرائزڈ کرنے سمیت انہیں  جلد منطقی انجام تک پہنچایا جائے۔

چیئرمین نیب  نے بتایا کہ مضاربہ اور مشارکہ اسکینڈلز میں 43 ملزمان کی گرفتاری عمل میں لائی جاچکی ہے ۔

جسٹس ریٹائرڈ جاوید قبال نے کہا کہ نیب کا ادارہ احتساب سب  کے لیےکی پالیسی پر سختی سے عمل پیرا ہے۔