سندھ رینجرز  نے شہرکے مختلف علاقوں میں کارروائیاں کرتے ہوئے 9 ملزمان کو گرفتار کر لیا۔
ترجمان سندھ رینجرز کے مطابق گلشن معمار، ڈاکس ، ماڑی پور ، موچکو اور بلدیہ ٹاؤن میں کارروائیاں کر کے 8 ملزمان کو گرفتارکیا ۔

گرفتار ملزمان میں گل خان ، نصیر احمد ، طاہر ، عبدالرشید عرف بارود، عابد علی ، حمید عرف ماما عرف بھائی جان ، صدام حسین اور محمد سعید شامل ہیں۔

گرفتار ملزمان ڈکیتی اور اسٹریٹ کرائمز کی متعدد وارداتوں میں ملوث ہیں ۔ کلری کے علاقے سے منشیات فروش ملزم عارف عرف ملا کو گرفتار کیا گیا۔

گرفتار ملزمان کے قبضے سے اسلحہ ، ایمونیشن ، مسروقہ سامان اور منشیات برآمد کر لیا گیا ۔

ترجمان رینجرز کے مطابق الفلاح ،لیاقت آباد اور جیکسن کے علاقوں سے 4 ملزمان کو گرفتار کیا گیا تھا ۔

ترجمان رینجرز نے مزید بتایا کہ ملزمان ڈکیتی اسٹریٹ کرائم اور منشیات فروشی کی وارداتوں میں ملوث ہیں۔

ملزمان کے قبضے سے اسلحہ،ایمونیشن، منشیات اور مسروقہ سامان برآمد، ترجمان رینجرز کے مطابق ملزمان کو قانونی کارروائی کے لیئے پولیس کے حوالے کر دیا گیا تھا۔