آرمی چیف جنرل قمر جاوید باجوہ نے زلزلے سے متاثرہ علاقوں کا دورہ کیا ہے۔

آئی ایس پی آر کے مطابق آرمی چیف جنرل قمر جاوید باجوہ نے جاتلاں کینال روڈ کا فضائی جائزہ لیا ساتھ ہی ساتھ زلزلے سے ہونے والے نقصانات کا بھی جائزہ لیا ہے۔

آرمی چیف نے متاثرہ روڈ کی بحالی کے لیے جاری انتظامات کا جائزہ لیا، دوسری جانب آرمی چیف نے کہا ہے کہ ضلعی انتطامیہ کی مدد کر گے جلد حالات معمول پر لائیں گے اور زلزلہ متاثرین کی بحالی کے لیے ہر ممکن تعاون کریں گے۔

دوسری جانب وزیراعظم آزاد کشمیر راجہ فاروق حیدرنےزلزلےسےمتاثرہ علاقوں کا دورہ کیا ہے۔

راجا فاروق حیدر کا دورہ کے متعلق کہنا تھا کہ ریسکیو کا کام مکمل ہوچکا ہے، اب ریلیف کا کام جاری ہے جبکہ اگلا مرحلہ نقصان کا ازالہ ہے۔

واضح رہے کہ اس سے قبل آرمی چیف جنرل قمر جاوید باجوہ  نے پاک فوج کو فوری طورپر میر پور میں زلزلے سے متاثرہ علاقوں میں امدادی کمک پہنچانے کی ہدایت کی جبکہ پاک فوج کے شعبہ تعلقات عامہ (آئی ایس پی آر) کے مطابق چیف آف آرمی سٹاف جنرل قمر جاوید باجوہ  نے کہا ہے کہ  ریسکیو آپریشن میں سول انتظامیہ کی مدد کی جائے۔