نیب کی جانب سے وزیر اعلیٰ سندھ مراد علی شاہ کو کل نیب طلب کرلیا گیا ہے۔

ذرائع کے مطابق جعلی اکاؤنٹس اور میگا منی لانڈرنگ کیس میں چند دن قبل جے آئی ٹی نے وزیر اعلی سندھ مراد علی شاہ کو نوٹس بھیجا گیا ہے۔

اسلام آباد نیب ٹیم کراچی پہنچ گئی ہے جبکہ جعلی اکائونٹ کیس میں 16 الگ الگ کیسز ہیں لیکن مراد علی شاہ پر 6 کیسز ہیں۔

وزیر اعلی سندھ مراد علی شاہ کو کل صبح 11 اور 12بجے کے درمیان طلب کیا گیا ہے جس میں نیب کراچی ہیڈکوارٹر میں مراد علی شاہ سے بطور وزیر خزانہ تحقیقات ہوگی کیونکہ وزیر خزانہ کے طور مراد علی شاہ نے جعلی اکاؤنٹس کے زریعے اومنی گروپ کو ادائیگی کرائی جبکہ وزیراعلی سندھ مراد علی شاہ کو ریکارڈ ساتھ لانے کی ہدایت کی گئی ہے۔

دوسری جانب وزیر اعلیٰ سندھ نے نیب کی جانب سے طلبی پر اپنی قانونی ٹیم سے مشاورت شروع کردی ہے جبکہ وزیراعلی سندھ نے مشیر قانون مرتضی وہاب سمیت قانونی ٹیم سے مشاورت جاری ہے۔