اقوام متحدہ میں پاکستان کی مستقل مندوب ڈاکٹر ملیحہ لودھی نے کہا کہ وزیراعظم پاکستان کا اقوام متحدہ کا دورہ مشن کشمیر ہے

تفصیلات کے مطابق پاکستانی سفیر ملیحہ لودھی نے اپنے ایک بیان میں کہا کہ مقبوضہ کشمیر میں سنگین صورت حال ہے، وزیراعظم عمران خان کا جنرل اسمبلی سے خطاب مقبوضہ کشمیر پرمرکوز ہوگا ۔

 ڈاکٹر ملیحہ لودھیکا کہنا تھا کہ وزیراعظم کی امریکی صدر ڈونلڈ ٹرمپ سمیت کئی عالمی رہنماں سے دو طرفہ جنرل اسمبلی سے خطاب کےعلاوہ ایشیا سوسائٹی اور امور خارجہ کونسل میں بھی اظہار خیال کریں گے۔

یاد رہے کہ وزیراعظم عمران خان 7 روزہ امریکا کے دورے پر ہیں، وزیراعظم کل امریکی صدر ڈونلڈ ٹرمپ سمیت دیگر ملاقاتیں ہوں گی۔

پاکستانی سفیر کا مزید کہنا تھا کہ یواین سیکریٹری جنرل سے ملاقات میں بھی مسئلہ کشمیر زیربحث آئے گا جبکہ وزیراعظم

رہنماؤں سے ملاقاتیں کریں گے اس کے علاوہ وہ 27 ستمبر کو اقوام متحدہ کی جنرل اسمبلی سے خطاب کریں گے۔

واضح رہے کہ بھارت نے مقبوضہ کشمیر کو دنیا کی سب سے بڑی جیل بنا رکھا ہے،49 روز گزر گئے کرفیو برقرار ہے، مقبو ضہ وادی میں قابض بھارتی فوج ظلم کے پہاڑ توڑ رہی ہے۔

 نہتے کشمیری 49 روز بھی گھروں میں قید ہیں۔بھارتی سپریم کورٹ کے حکم کے باوجود مقبوضہ وادی میں آج بھی نظام زندگی مفلوج ہے اور حالات معمول پر لانے کے لئے بھارتی حکومت نے  سپر یم کو رٹ کے حکم پر عمل در آمد کر تے ہوئے مقبو ضہ کشمیر میں کوئی  مثبت قدم نہیں اٹھایا۔

وادی مقبوضہ کشمیر کی سڑکیں سنسان، دکانیں بند، کاروباری مراکز پر تالے پڑے ہیں، مسلسل کرفیو کے باعث کاروبار زندگی درہم برہم، گلیوں اورسڑکوں پر بھارتی فوج کا گشت، گھروں کے باہر بھی فوجی تعینات، گھروں میں محصورافراد کو اپنے رشتہ داروں کے جنازے تک پڑھنے کی بھی اجازت نہیں،اسکول بند ہیں، اسپتالوں میں ڈاکٹرز کا پہنچنا دشوار ہوگیا، طبی امداد نہ ملنے سے مریضوں کی زندگیاں بھی داؤ پر لگ گئیں، ہر روز سات سے آٹھ افراد کو دل کا دورہ پڑرہا ہے لیکن علاج معالجے کی کوئی سہولت میسرنہیں۔