وزیر خارجہ شاہ محمود قریشی نے کہا ہے کہ آج امریکہ، یورپ سمیت دنیا بھر میں کشمیر کے موضوع پر بات ہورہی ہے۔

تفصیلات کے مطابق ملتان میں وزیر خارجہ شاہ محمود قریشی نے میڈیا ٹاک کرتے ہوئے کہا ہے کہ سیکیورٹی کونسل میں 54سال بعد مسئلہ کشمیر زیر بحث آیا جبکہ اقوام متحدہ کے سیکریٹری جنرل نے کہا مسئلہ قراردادوں کے مطابق حل ہونا چاہیئے۔

شاہ محمود قریشی نے کہا ہے کہ جنیوا میں دنیا بھر کے نمائندوں کے سامنے بھارت کا اصل چہرہ بے نقاب کیا اور دنیا کو بتایا کشمیر بھارت کا اندورنی مسئلہ نہیں ہے۔

انہوں نے کہا کہ آج شمیر میں کرفیو کو 40دن ہوگئے ہیں اور ھارت نے اہل کشمیر کا رابطہ دنیا سے کاٹ دیا ہے جبکہ مقبوضہ کشمیر میں نوجوانوں کو مٹی کھلائی جارہی ہے۔

وزیر خارجہ شاہ محمود قریشی نے نے بتایا ہے کہ 27 ستمبر کو عمران خان اقوام متحدہ میں کشمیر کا مقدمہ لڑیں گے۔