پنجاب میں  پولیس کیلئے موبائل فون خوف کی علامت بن  گیا،آئی جی پنجاب نے تھانوں میں اسمارٹ فونزکے استعمال پرپابندی لگادی۔

تفصیلات کے مطابق آئی جی پنجاب نے لیڈی کانسٹیبل کی جانب سے ویڈیو بیان سوشل میڈیا پر اپ لوڈ کرنے کا سخت نوٹس لیتے ہوئے صوبے بھر میں پولیس اہلکاروں کے موبائل فون استعمال کرنے پر پابندی لگا دی ہے۔

آئی جی آفس کی جانب سے آر پی اوز اورڈی پی اوز کو مراسلہ بھجوادیا ہے، مراسلہ کےمطابق ڈیوٹی پر کسی بھی افسر کی ویڈیو بنانا اور اسے اپ لوڈ کرنا منع ہے ، تھانے میں موجود تمام پولیس اہلکار اور افسران بغیر کیمرے والا موبائل فون استعمال کریں گے۔

آئی جی پنجاب نے کہا اگر کوئی پولیس اہلکار موبائل فون استعمال کرتا پایا گیا تو اسکے ساتھ انچارج کے خلاف بھی کارروائی ہوگی۔

مراسلے میں یہ بھی کہا گیا کہ عام شہری کے موبائل فون سمیت تھانے میں داخلے پر پابندی کا فیصلہ متعلقہ تھانہ کرے گا۔

دوسری جانب فیصل آباد میں بھی پولیس تشدد کا واقعہ سامنے آگیا،شہری کودس دن غیر قانونی حراست میں رکھا گیا۔

ایس پی صدر نعیم کا محمد یار کو حسب بےجاں میں رکھنے پر ایکشن لیتے ہوئے ایس ایچ او اور چوکی انچارج کو گرفتار کر کے ان کے خلاف مقدمہ بھی درج کرلیا گیا ہے۔

ایس پی پر دورے کے دوران انکشاف ہوا کہ  شہری کوچوری کے شبےمیں دس قید کیاگیا تھا۔

واضح رہے اس سے قبل بھی پنجاب میں پولیس گردی کے مسلسل بڑھتے واقعات کے بعد آئی جی پنجاب نے صوبے بھر کے آر پی او ڈی پی او، سی پی او اور سی سی پی او، ڈی آئی جیز کو مراسلہ جاری کیا تھا۔