وزیراعظم عمران خان آج آزادکشمیرکےدارالحکومت مظفرآباد میں جلسے سے خطاب کریں گے۔

تفصیلات کے مطابق بھارتی کے غیر قانونی اقدام کےخلاف کشمیری عوام کے شانہ بہ شانہ کھڑا ہونے کے لیے آج جلسے میں وزیر اعظم کشمیروں کی آواز بنیں گے۔

مقبوضہ کشمیریوں کے عوام سے اظہاریک جہتی کے لئے منعقد کیے جانے والے اس جلسے کی تیاریاں مکمل ہیں، عوام کی بڑی تعداد اس میں شرکت کرے گی۔

سماجی رابطے کی ویب سائٹ ٹوئٹر پراپنے ایک ٹوئٹ کے پیغام میں وزیراعظم نے کہا وہ کشمیریوں کو یقین دلائیں گے کہ پاکستان ان کے ساتھ کھڑا ہے۔

اپنے پیغام میں وزیراعظم نے کہا کہ دنیا کو بتائیں گے کہ بھارتی فوج نے مسلسل کشمیر میں محاصرہ کر رکھا ہے۔

اس موقع پرزندگی کے تمام شعبوں سے تعلق رکھنے والی شخصیات نے اس کا حصہ بننے کا عزم ظاہر کیا ہے. اسپورٹس اور شوبزکی معروف شخصیات نے بھی مظفرآباد جانے کا اعلان کیا۔

اداکارہ حریم فاروق نے مظفرآباد جلسہ میں شرکت کا اعلان کردیا،ان کا کہنا تھا کہ یہ وقت متحد ہوکر کشمیریوں کے لیے آواز بلند کرنے کا ہے، تمام پاکستانی جلسے میں شرکت کرکے دنیا کو پیغام دیں۔

جبکہ سابق کرکٹ اسٹار شاہدآفریدی نے بھی وزیراعظم کے مظفرآباد جلسہ میں شرکت کا اعلان کردیا، سماجی رابطہ کیویب سائٹ ٹوئٹر کے ایک پیغام میں ان کا کہنا تھا کہ آہیے کشمیریوں کے لیے آواز اٹھانے میں وزیراعظم کا ساتھ دیں۔

اداکارہ مایاعلی نے بھی ٹویٹ کیا تھا، جس میں انھوں نے کہا کہ آئیں وزیراعظم کا ساتھ دیں اور کشمیریوں سے یک جہتی کامظاہرہ کریں۔

خیال رہے کہ پانچ اگست کو بھارت نے غیر قانونی اقدام کرتے ہوئے مقبوضہ کشمیر کی خصوصی حیثیت ختم کر دی. 39دن سے وادی میں کرفیو نافذ ہے، جس کی وجہ سے انسانی المیہ جنم لے چکا ہے۔