آئی ایس پی آر کے مطابق پاک فوج کے سربراہ جنرل قمر جاوید باجوہ نے سدرن کمانڈ کوئٹ کا دورہ کیا ۔

تفصیلات کے مطابق کوئٹہ دورے کے دوران چیف آف آرمی سٹاف کو خوشحال بلوچستان کے تحت ترقیاتی منصوبوں پر بریفنگ دی گئی۔

جنرل قمر جاوید باجوہ نے امن کے قیام میں پاک فوج اور دیگر قانون نافذ کرنیوالے اداروں کو سراہا اور وزیر اعلی بلوچستان جام کمال کے ہمراہ نئے بننے والے نسٹ یونیورسٹی کا افتتاح بھی کیا۔

آئی ایس پی آر کے مطابق آرمی چیف جنرل قمر جاوید باجوہ نے بلوچستان کے مختلف تعلیمی اداروں کے طلباء سے خطاب بھی کیا۔

آرمی چیف نے اپنے خطاب میں بلوچستان کے ہونہار نوجوانوں کو سراہتے ہوئے کہا کہ وہ مختلف شعبوں میں ممکنہ مواقعوں سے فائدہ اٹھانے کی ہدایت کی۔

یاد رہے کہ جنرل قمر جاوید باجوہ نے جنوری 2017میں نسٹ کوئٹہ کیمپس بنانے کا اعلان کیا تھا، نسٹ کوئٹہ کیمپس دو سال آٹھ ماہ کی مدت میں تیار کیا گیا ہے۔

نسٹ یونیورسٹی کوئٹہ کیمپس کے پہلے بیج میں سول انجئیرنگ ، کمپیوٹر سائنسز کے شعبہ میں پانچ سو پچاس طلباء پڑھ رہے ہیں۔

واضح رہے اس سے قبل چیف آف آرمی اسٹاف جنرل قمر جاوید باجوہ نے آرمی میڈیکل سینٹر ایبٹ آباد کا دورہ کیا تھا۔اس مو قع پر آرمی چیف کا کہنا تھا کہ دہشت گردی کے خلاف جنگ میں جانیں بچانے میں آرمی میڈیکل سینٹر ایبٹ آباد کا اہم کردار ہے، معیاری صحت کے لیے اے ایم سی ڈاکٹرز کی خدمات ناقابل فراموش ہیں۔

پاک فوج کے شعبہ تعلقات عامہ آئی ایس پی آر کا یہ بھی کہنا تھا کہ آرمی چیف جنرل قمر جاوید باجوہ نے آرمی میڈیکل سینٹر ایبٹ آباد کا دورہ کیا۔ آرمی چیف نے لیفٹیننٹ جنرل خاور رحمٰن کو کرنل کمانڈنٹ اے ایم سی کے بیج بھی لگائےتھے۔