مولانا فضل الرحمان آج نواز شریف کی عیاد ت کیلئے سروسز ہسپتال جائیں گے۔

تفصیلات کے مطا بق مولانا فضل الرحمن کی آج مارچ کے آغاز سے قبل نواز شریف کی عیادت متوقع ہے جبکہ مولانا فضل الرحمن نے نوازشریف کی عیادت کے لیے ساتھیوں سے مشاورت جاری ہے۔

مولانا فضل الرحمن اور مریم نواز کے مابین دو روز قبل ٹیلی فونک رابطہ بھی ہوا تھا، مولانا فضل الرحمن ساتھیوں سے آزادی مارچ و دیگر امور سے متعلق مشاورت کے بعد ملاقات کے لیے جائیں گے۔

ذرائع کے مطا بق جے یو آئی سربراہ سابق وزیراعظم کو آزادی مارچ کے حوالے سے آگاہ کریں گے جبکہ لاہور کے سروسز ہسپتال میں زیر علاج نواز شریف کی حالت ابھی تک سنبھل نہ سکی، سابق وزیراعظم کے پلیٹ لیٹس میں بھی مسلسل اتار چڑھاؤ جاری ہے۔

دوسری جا نب نواز شریف کو مسوڑھوں سے خون آنے پر ڈینٹل وارڈ منتقل کیا گیا جہاں ان کے دانتوں کی فلنگ کی گئی، سابق وزیراعظم کے مسوڑے اور دانت کمزور پڑ رہے تھے۔

میڈیکل بورڈ نے سا بق وزیر اعظم میاں محمد نواز شریف کو کسی دوسرے ہسپتال منتقل کرنے پر آمادگی سے انکار کر دیا۔

ذرائع میڈیکل بورڈ کا کہنا ہے کہ ان کی جانب سے نواز شریف کو کسی دوسرے ہسپتال جانے کی رائے نہیں دی جائے گی۔

وا ضح رہے کہ مولانا فضل الرحمان کی قیادت میں آزادی مارچ 27 اکتوبر کو کراچی سے روانہ ہوا تھا جس کی منزل اسلام آباد ہے،آزادی مارچ کے شرکا آج راولپنڈی پہنچیں گے جبکہ کل یہ اسلام آباد میں داخل ہو گا۔