صدر مملکت ڈاکٹر عارف علوی 20 اکتوبر سے جاپان کا چار روزہ دورہ کریں گے۔

تفصیلات کے مطابق صدر مملکت جاپانی حکومت کی دعوت پر جاپان کا دورہ کر رہے ہیں جبکہ جاپانی شہنشاہ نرو ہیٹو کی شاہی تقریب میں شرکت بھی کریں گے۔

 شاہی تقریب میں 100 سے زائد سربراہان مملکت کی شرکت متوقع ہے جبکہ صدر مملکت کے دورے جاپان سے دونوں ممالک کے درمیان موجود تعلقات میں مزید بہتری آئے گی۔

ذرائع کا کہنا ہے کہ دونوں ممالک کے مابین تعاون پر مبنی باہمی تعلقات بہتری کی جانب گامزن ہیں جبکہ دونوں ممالک کے مابین اقتصادیات، سرمایہ کاری، آئی ٹی، زراعت، سیاحت اور انسانی وسائل سمیت مختلف شعبوں میں تعاون کے فروغ کی گنجائش ہے