چہلم امام حسین  کے جلوس کے سلسلے میں سندھ بھر میں دفعہ144 نافذ کردی گئی ،موٹر سائیکل کی ڈبل سواری پر بھی پابندی ہوگی۔

تفصیلات کے مطابق چہلم حضرت امام حسین کے موقع پر صوبے بھر میں دفعہ 144  کے نفاذ کا نوٹیفیکیشن جاری  کردیا گیا ہے۔

جاری کردہ نوٹیفیکیشن  کے مطابق 20 اکتوبر بروز اتوار کو سندھ میں موٹر سائیکل  کی ڈبل سواری پر بھی پابندی عائد کردی گئی ہے۔

اس کے علاوہ چہلم کے موقع پر اسلحہ لے کر چلنے اور اس کی نمائش پر بھی پابندی ہوگی  جبکہ  پانچ یا اس سے زائد افراد کے اجتماع اور نفرت آمیز تقاریر پر بھی پابندی عائد کر دی گئی ہے۔