کرتار پور میں دنیا کے سب سے بڑے گردوارے کی افتتاحی تقریب میں پاکستان کی دعوت پر نوجوت سنگھ سدھو شریک ہونگے۔

اس موقع پر انہوں نے کہا ہے کہ تاریخی تقریب میں مدعو کرنے پر وزیراعظم پاکستان کا شکرگزار ہوں، 9 نومبر کی تقریب میں شرکت کی سعادت حاصل کروں گا۔

تاریخی تقریب میں مدعو کرنے پر بھارتی سیاستدان نے تشکر کا اظہار کرتے ہوئے کہا کہ کرتار پور کی تعمیرسے سکھ مذہب کے کروڑوں پیروکاروں کو نہایت مثبت پیغام دیا گیا ہے۔

پاکستان کی جانب سے کرتارپور میں دنیا کے سب سے بڑے گودوارے کے فقیدالمثال افتتاح کی تیاریاں جاری ہیں، وفاقی حکومت نے سرحد پار سے اسٹار کردار نوجوت سنگھ سدھو کو افتتاحی تقریب میں مدعو کرلیا اور اس حوالے سے وزیراعظم عمران خان کی خصوصی ہدایت پر سینٹر فیصل جاوید نے نوجوت سنگھ سدھو سے رابطہ کرکے نوجوت سنگھ سدھو کو تقریب میں شرکت کی باضابطہ دعوت دے دی ہے۔