وزیراعلیٰ سندھ مراد علی شاہ نے کہا ہے کہ لاڑکانہ کے الیکشن نتائج پربہت افسوس ہوا۔

تفصیلات کے مطابق وزیراعلیٰ سندھ مراد علی شاہ نےسیہون میں میڈیا سے گفتگو کرتے ہوئے کہا لاڑکانہ کی سیٹ پیپلزپارٹی کی تھی ، الیکشن نتائج پربہت افسوس ہوا، الیکشن کےدن ووٹروں کوووٹ دینےسےروکاگیا، امیدوارکوپولنگ اسٹیشنزمیں جانےسےروکنےکی مذمت کرتاہوں۔

وزیراعلیٰ سندھ کا کہنا تھا کہ امیدوارکوپولنگ اسٹیشنزمیں جانےسےروکنےکی مذمت کرتاہوں، بلاول بھٹو نےکہایہ سیٹ ہم پھرجیتیں گے، اڑکانہ ضمنی الیکشن کیخلاف پٹیشن داخل کریں گے،وزیراعلیٰ سندھ

مراد علی شاہ نے آزادی مارچ سے متعلق کہا کہ فضل الرحمان کےمارچ میں شرکت سیاسی فیصلہ ہوگا۔

آصف زرداری کی صحت کے حوالے سے وزیر اعلیٰ سندھ نے کہا آصف زرداری پرابھی تک فردجرم لاگو نہیں ہوا، ان طبیعت پرسخت خدشات ہیں، آصف زرداری کوکچھ ہواتواس کی ذمہ دارحکومت ہوگی۔

یاد رہے کہ پیپلزپارٹی کے چیئرمین بلاول بھٹو زرداری نے لاڑکانہ میں ضمنی انتخاب میں پیپلزپارٹی کی شکست پر انتخابی نتائج چیلنج کرنے کا اعلان کرتے ہوئے کہا تھا کہ سچ کو چھپایا نہیں جا سکتا۔