سابق پولیس چیف شاہد حیات کراچی کے نجی اسپتال میں طویل علالت کے بعد انتقال کرگئے۔

تفصیلات کے مطابق سابق ایڈیشنل اٸی جی وا سابق ڈاٸریکٹر ایف أٸی اے شاہد حیات کافی عرصے سے کراچی کے نجی اسپتال میں زیر علاج تھے۔

سابق پولیس چیف کے بھائی یوسف خان نے بھی شاہد حیات کے انتقال کی تصدیق کی ہے۔

یادرہے کہ شاہد حیات پولیس سروسز گروپ گریڈ 21 کے سینئر افسر تھے جبکہ شاہد حیات کراچی پولیس چیف کے طورپر، ڈائریکٹر ایف آئی اے سندھ ، پنجاب اور خیبرپختونخواہ پولیس، موٹروے پولیس اور انٹیلیجینس بیورومیں بھی اپنی خدمات سر انجام دے چکے ہیں۔

ایڈیشنل آئی جی غلام نبی میمن اور کراچی پولیس کی جانب سے ایڈیشنل آئی جی شاہد حیات کے انتقال پراپنے گہرے دکھ و افسوس اور مرحوم کے اہلخانہ سے تعزیت کی۔

آئی جی سندھ ڈاکٹر سید کلیم امام اور ایڈیشنل آئی جی کراچی غلام نبی میمن کی جانب سے مرحوم کی تدفین اور دیگر انتظامات سرکاری طورپر کرنے اور ان کی فیملی کے ساتھ سندھ پولیس کی جانب سے مکمل تعاون کیا اظہار کیا گیا۔

اس موقع پر کراچی ایڈیشنل آئی جی غلام نبی میمن نے اسپتال کے اندر میڈیا سے گفتگوکرتے ہوئے کہا کہ شاہد حیات نے کراچی آپریشن میں اہم کردار ادا کیا، کراچی میں قیام امن کے لیے شاہد حیات کی کاوشیں یاد رکھی جائیں گئیں۔

غلام نبی میمن کا یہ بھی کہنا تھا کہ میت اسی اسپتال کے سرد خانے میں رکھوائی گئی ہے، نماز جنازہ کل دوپہر پونے دو 2 بجے گارڈن ہیڈ کوارٹر میں ادا کی جاۓ گی۔

ایڈیشنل آئی جی غلام نبی میمن کا مزید کہنا تھا کہ نماز جنازہ کی ادائیگی کے بعد میت کو لاہور سے ڈی آئی خان روانہ کیا جائے گا۔