سابق صدر آصف علی زرداری کو جیل سے پمز ہسپتال منتقل کردیا گیا ہے جہا ں اب وہ زیرِ علا ج ہیں ۔

تفصیلات کے مطابق آصف علی زرداری کو جیل سے پمز ہسپتال منتقل کرنے کا فیصلہ کیا گیا تھا جس کےلئے جیل حکام نے احتساب عدالت سے ہسپتال منتقلی کیلئے انتظامیہ کو خط بھی لکھا ۔

ذرائع کے مطا بق آصف علی زرداری کو کارڈیک ٹیسٹ کے لیے پمز کے کارڈیک سنڑ میں لاِیا جائے گا، پمز ہسپتال میں زرادی کے ٹیسٹ کے تمام تر انتظامات مکمل کر لیے گئے ہیں

ذرائع کے مطابق ضلعی انتظامیہ کا پمز ہسپتال کو سب جیل قرار دینے پر غور کر رہی ہے جبکہ میڈیکل بورڈ نے آصف زرداری کو ہسپتال منتقل کرنے کی سفارش کی تھی۔

دوسری جانب میگا منی لانڈرنگ ریفرنس میں آصف علی زرداری اور فریال تالپور کے جو ڈیشل ریمانڈ میں 12 نومبر تک توسیع کر دی گئی ہے۔

عدالت نے دونوں ملزمان کو 12 نومبر کو دوبارہ پیش کرنے کا حکم دیتے ہوئے سماعت ملتوی کر دی۔