چئیرمین جوائنٹ چیفس آف سٹاف کمیٹی جنرل زبیر محمود حیات کا کہنا ہے کہ ڈگری کی قیمت ردی کے کاغذ سے بڑھ کر نہیں ہوسکتی اگر اسکا حاصل کرنے والا انسان نہیں بن پاتا ۔

چئیرمین جوائنٹ چیفس آف سٹاف کمیٹی جنرل زبیر محمود حیات کا یونیورسٹی کے کنونشن سے خطاب کرتے ہوئے کہنا تھا کہ طلبا کو اپنا اخلاق بلند کرنا ہوگا، ورنہ ڈگری کی کوئی اہمیت نہیں، طلبا کو اپنے کردار پر توجہ دینی ہوگی۔

چیئرمین جوائنٹ چیفس آف اسٹاف کمیٹی کا کہنا تھا کہ کردار وہ نہیں جو آپ کو دکھے،کردار وہ جو دنیا کو نظر آئے، مثبت رویہ،کام سے لگن اور جنون کامیابی کی کلید ہے، بہتروہ ہے جو چیلنج کو کامیابی میں بدلے ،طلبا ایجنٹ آف چینج بنیں۔

جنرل زبیر محمود حیات نے طلباء کو مشورہ دیا کہ وہ جدوجہد جاری رکھیں انھوں نے کہا کہ زندگی میں آپ بار بار گریں گے, مگر کامیاب وہی ہوگا جو اٹھے گا، اور جدوجہد کرے گا۔ بڑے خواب دیکھیں, جو لوگ، اور قومیں خواب  نہیں دیکھتے کامیاب نہیں ہوتے۔ کبھی نہیں سنا کہ کسی شخص کو عاجزی لے ڈوبی ہو،مگر تکبر سے ڈوبنے والے بہت دیکھے۔

جنرل زبیر محمود حیات نے کہا مغربی ہونے کے بجائے جو ہیں اس پر فخر کریں اور جدید ہوں، زندگی میں اوروں کے لیے دروازہ بنیں دیوار نہیں، کوشش کریں اور زندگی میں حرکت جاری رکھیں۔