سیٹلائٹ ٹاؤن میں پولیس موبائل کے قریب دھماکا ہوا ہے جس میں ایک پولیس اہلکار شہید اور 7 افراد زخمی ہوگئے۔

دھماکے کے بعد شدید فائرنگ کی آوازیں بھی سنی گئیں جبکہ پولیس نے جائے وقوع پر پہنچ کر دھماکے کی جگہ کو تحویل میں لے لیا ہے۔

ابتدائی تحقیقات کے مطابق نشانہ پولیس موبائل کو بنایا گیا ہے جبکہ دھماکے میں ایک پولیس اہلکار شہید 10 افراد زخمی ہوئے ہیں۔

بم دھماکے میں پولیس کا ایک حوالدارشہید جبکہ 7اہلکارزخمی ہوئے ہیں۔

دھماکے کے زخمیوں کو سول اسپتال منتقل کردیا گیا ہے جبکہ زخمیوں میں 1 خاتون بھی شامل ہیں دھماکے سے قریب موجود تین گاڑیوں میں آگ لگ گئی جبکہ دو دکانوں کو بھی نقصان پہنچا۔

سیکورٹی ذرائع کا کہنا ہے کہ دھماکہ خیز مواد موٹر سائیکل میں نصب تھا جبکہ دھماکے میں چھے سے آٹھ کلو بارودی مواد استعمال کیا گیا۔

ڈی آئی جی کوئٹہ عبدالرزاق چیمہ نے جائے قوعہ کے دورے کے بعد میڈیا سے بات چیت کرتے ہوئے کہا کہ آر آر جی کی گاڑی پیٹرولنگ پر تھی اسکو نشانہ بنایا گیا جبکہ امید کرتے ہیں کہ سیف سٹی پراجیکٹ جلد شروع ہوگا۔

وزیرداخلہ میر ضیا لانگو کہتے ہیں کہ دھماکوں میں افغانستان کی سرزمین جبکہ بھارت کا پیسہ استعمال ہورہا ہے۔