آئی ایس پی آرکے مطابق آرمی چیف جنرل قمر جاوید باجوہ نے بلوچ رجمنٹ سینٹر ایبٹ آباد کا دورہ کیا۔

پاک فوج کے شعبہ تعلقات عامہ کے ادارے کا کہنا ہے کہ آرمی چیف نے بلوچ رجمنٹ کرنل کمانڈنٹ انسٹالیشن تقریب میں شرکت کی۔

تقریب میں حاضر سروس اور ریٹائرڈ افسران نے شرکت کی جبکہ اس موقع پر آرمی چیف جنرل قمر جاوید باجوہ نے بلوچ رجمنٹ کے کردار اور کامیابیوں کو بھی سراہا۔

اس موقع پر لیفٹیننٹ جنرل اظہر عباس کو کرنل کمانڈنٹ بلوچ رجمنٹ کے بیجز لگائے گئے جبکہ بلوچ رجمنٹ آمد پرآرمی چیف نے یادگار شہدا پر حاضری دی اورپھول چڑھائے۔

آئی ایس پی آر کا کہنا ہے کہ بلوچ رجمنٹ کا داخلی سیکورٹی آپریشنز میں کردار گراں قدر ہے۔

واضح رہے اس سے قبل آرمی چیف جنرل قمر جاوید باجوہ سے وائس ایڈمرل یوآن یوبے کی ملاقات ہوئی تھی۔

شعبہ تعلقاتِ عامہ (آئی ایس پی آر) کے مطابق کمانڈر پیپلز لبریشن آرمی کے سدرن تھیٹر کمانڈ کے ساتھ چین میں ہوئی جبکہ ملاقات میں پاک چین باہمی دلچسپی کے امور سمیت دو طرفہ دفاعی امور پر تبادلہ خیال بھی کیا گیا تھا۔