نواب شاہ سکرنڈ موٹر وے  پر آئل ٹینکر الٹ گیا۔

موٹروے پولیس کے مطابق ٹینکر میں 44ہزار لیٹر پیڑول موجود ہے جو بہہ رہا ہے۔

پولیس کی بھاری نفری اور فائربرگیڈ کی 3گاڑیاں حادثے کے مقام پر پہنچ گئیں۔ ٹینکر کراچی سے پشاور جارہا تھا تاہم  حادثے میں کوئی جانی نقصان نہیں ہوا۔

واضح رہے کہ اس سے قبل  سندھ کے شہر خیر پور میں قومی شاہراہ پرآئل ٹینکر الٹ گیا، جس سے سڑک اور اطراف میں آئل بہہ گیا تھا ۔

نیشنل ہائی وے اینڈ موٹر وے پولیس کے مطابق واقعہ خیرپور میں قومی شاہراہ پر شاہ حسین کے قریب پیش آیا،آئل ٹینکر الٹنے کے بعد پیٹرول کی لیکیج شروع ہو گئی۔

اس کے علاوہ رواں برس مئی کے مہینے میں  بہاولپور  میں ملتان روڈ پر شریف آباد کے قریب پٹرول سے بھرا آئل ٹینکر الٹنے  سے 40ہزار لیٹر پٹرول بہہ گیا  تھا ۔ ریسکیو ذرائع کے مطابق ٹینکر میں 40 ہزار لیٹر پٹرول موجود تھا۔