چیئرمین پیپلزپارٹی بلاول بھٹو زرداری نے کہا ہے کہ مہنگائی اور بےروزگاری میں اضافے کے باعث عام آدمی کا معاشی قتل ہورہا ہے۔

چیئرمین پیپلز پارٹی بلاول بھٹو زرداری نے تھر میں جلسے سے خطاب کرتے ہوئے کہا کہ میں عمران خان اور انکی حکومت کو گرانے کے لیے نکلا ہوں لیکن ہمیں مل کر پاکستان کو بچانے کے لیے اس کٹھ پتلیوں کو بھگانا ہوگا۔

انہوں نے کہا کہ کٹھ پتلی حکومت آپ کی غربت کا مذاق اڑا رہی ہے اور معیشت کو بھی تباہ کردیا ہے لیکن اب پاکستان کو بچانے کے لیے کٹھ پتلی حکومت کو گرانا ہوگا۔

بلاول بھٹو نے اپنے خطاب میں کہا کہ بینظیر بھٹو نے ہمیشہ عوام کے لیے جدوجہد کی اور کبھی کسی آمر کے سامنے سر نہیں جھکایا اور یہاں تک کہ ینظیر بھٹو نے عوام کی خاطر شہادت کو قبول کیا۔

انہوں نے بتایا کہ آج پھر ظالم اور کٹھ پتلی حکومت کا راج ہے جس کے باعث عوام سے جمہوری، معاشی اور سیاسی حقوق چھینے جارہے ہیں اور موجودہ حکومت ہر شعبے کا معاشی قتل کررہی ہے۔

انکا مزید کہنا تھا کہ وزیراعظم عمران خان سندھ دشمن ہیں اور آج جمہوریت خطرے میں ہے۔