اسلام آبادہائی کورٹ میں آمدن سے زائداثاثہ جات کیس میں سابق وزیراعلیٰ خیبرپختونخوااکرم درانی کو4اکتوبرتک عبوری ضمانت دے دی گئی۔

تفصیلات کےمطابق اسلام آبادہائی کورٹ کےچیف جسٹس اطہرمن اللہ کی سربراہی میں جسٹس میاں گل حسن اورنگزیب سمیت دورکنی بنچ نےکیس کی سماعت کی۔

عدالت نےآمدن سے زائد اثاثہ جات کیس میں اکرم درانی کی عبوری درخواست ضمانت منظورکرتےہوئے پانچ لاکھ روپےکےمچلکےجمع کرانےکی ہدایت کی۔

عدالت نےسماعت کےدوران نیب کو نوٹس جاری کرتے ہوئےپیروائزکمنٹس جمع کرانےکی ہدایت کی ہے۔

واضح رہے کہ نیب میں  اکرم درانی کیخلاف فیڈرل گورنمنٹ ایمپلائیزہاؤسنگ فاؤنڈیشن کےدورہائشی منصوبوں میں کرپشن کی انکوائری بھی جاری ہے۔

بعد ازاں کیس کی مزیدسماعت چارنومبر تک ملتوی کردی گئی۔

عدالت کے باہرمیڈیاسے گفتگو کرتے ہوئےاکرم درانی نے کہاکہ آزادی مارچ سے متعلق مذاکرات پربات کرتے ہوئے کہا کہ پرویز خٹک اورصادق سنجرانی نےخود رابطہ کیاہے۔رابطےوہ کر رہے ہیں،میں نےنہیں کیا۔

اکرم دارنی کاکہناہےکہ پرویز خٹک اور صادق سنجرانی خودرابطے کررہے ہیں کیونکہ وہ تکلیف میں ہیں۔

صحافیوں سے بات چیت کے دوران انہوں نے کہا کہ حکومتی ارکان کورہبر کمیٹی نےپیغام دیا ہےکہ دھرنے میں کسی قسم کی رکاوٹ نہ ڈالنے کا اعلان کریں، لیڈرشپ رہبرکمیٹی کے بغیر نہیں ملے گی،مولانا فضل الرحمان بھی پرویزالہیٰ سے نہیں ملیں گے۔

رہنما جے یو آئی نےمزیدکہاکہ رہبر کمیٹی کمزور نہیں بلکہ طاقتور ہے، یہ لوگ رہبر کمیٹی کے قدموں میں بیٹھیں گے۔ وزیراعظم کوجانا ہوگا، استعفیٰ مانگاہےوہ لےکرجائیں گے۔

اکرم درانی نے کہاکہ رات ڈی چوک سے گزرا تو اس وقت بھی وہاں خواتین بیٹھی تھیں اوراحتجاج جاری تھا، نالائق اوربےحیاحکومت کوماں بیٹیوں کی بھی پرواہ نہیں، یہ اسی طرح ہے جس طرح سول مارشل لا ہے۔