پشاور میں افغان مارکیٹ کی ملکیت سے متعلق توہین عدالت کے کیس کی سماعت ہوئی۔

کیس کی سماعت چیف جسٹس پشاور ہائیکورٹ جسٹس وقار احمد سیٹھ اور جسٹس نعیم انور نے کی اور افغان مارکیٹ سے متعلق کیس نمٹا دیا۔

ڈپٹی کمشنر نے عدالت میں بیان دیتے ہوئے کہا کہ عدالت کے حکم پر مارکیٹ واگزار کرکے چابیاں پٹیشنر کے حوالے کردی ہیں۔

عدالت عالیہ نے علاقہ ایس ایچ او کو دکانوں سے سامان متعلقہ دکانداروں کو دینے کے احکامات جاری کردئیے ہیں۔

دوسری جانب پشاور میں افغانستان کا پرچم لہرا دیا گیا ہے۔

افغان سفیر شکر اللہ عاطف مشعال نے پشاور میں موجود افغان مارکیٹ کو افغانستان کی ملکیت قرار دے کر افغانستان کا پرچم لہرادیا۔