کراچی کے علاقے گلستانِ جوہر کے بلاک 14 میں ایک زیرِ تعمیر عمارت کی چھت کا بالائی حصہ زمیں بوس ہو گیا ہے۔

ریسکیو حکام کا اس با رے میں کہنا ہے کہ گلستانِ جوہر کی زیرِ تعمیر عمارت کے بالائی حصے کے زمین بوس ہونے کے واقعے میں کوئی جانی نقصان نہیں ہوا ۔

دوسری جا نب پولیس کا کہنا ہے کہ ٹھیکے دار کی غفلت کے باعث یہ حادثہ پیش آیا ہے، حادثے کی جگہ پارکنگ کے لیے مختص تھی تاہم واقعے میں کوئی جانی نقصان نہیں ہوا ۔ 

واضح رہے کہ اس سے قبل اسی ماہ 6 اکتوبر کو کراچی ہی کے علاقے بلدیہ ٹاؤن کے یوسف گوٹھ میں واقع ایک مدرسے کی چھت گر گئی تھی، جس کے نتیجے میں 9 طلباء بھی زخمی ہوئے تھے۔