کراچی سپر ہائی وے پر کاٹھور پل کے قریب فائرنگ کے واقعے میں 3 افراد جاں بحق جبکہ متعدد زخمی ہوگئے ہیں۔

تفصیلات کے مطابق ہلاک ہونے والے 2 افراد کہ لاشیں جناح اسپتال منتقل کر دی گئی ہیں۔ جاں بحق ہونے والے 2 افراد کی شناخت 40 سالہ نیاز علی اور 36 سالہ سید ایوب شامل ہیں۔

نیشنل ہائی ویز اینڈ پاکستان موٹروے پولیس کے ترجمان کا موقف  ہے کہ کاٹھوڑ واقعہ ایم نائن پر وقوع پذیر نہیں ہوا،یہ واقعہ لنک روڈ ٹول پلازہ پر واقع ہوا ہے۔

ترجمان موٹروے پولیس کا کہنا ہے کہ کسی بھی معلومات یا مدد کے لئے ہماری ویب سائٹ ہمسفر ایپ یا ہیلپ لائن 130 پر رابطہ کریں۔

واضح رہے کہ ہیوی ٹریلرڈرائیورزکو گذشتہ کئی دنوں سے متعلقہ محکمے مال بردار ٹریلرز لے جانے سے روک رہے تھے ۔

ذرائع کا کہنا ہے کہ ٹریلرز کو اضافی وزن کی وجہ سے روکا جاتا تھا جسے بعد میں (رات کے اوقات میں )5 سے 10 ہزار روپے رشوت لے کرچھوڑ دیا جاتا تھا۔تاہم کل رات ٹریلر ڈرائیورز اور متعلقہ محکموں کے درمیان تنازعہ ہوا تھا  اور اسی باعث آج دوپہر میں فائرنگ کا واقعہ پیش آیا ۔

فائرنگ کے وقت روکے گئے ہیوی ٹریلرز کی قطاریں لگی ہوئی تھیں ۔