سابق وزیراعظم نواز شریف کا نام ای سی ایل سے نکالنے کیلئے وزارت داخلہ کو درخواست موصول ہوگئی ہے۔

حکومت کی جانب سے سابق وزیراعظم نواز شریف کا نام ای سی ایل سے ہٹانے کا امکان ہے۔

تفصیلات کے مطا بق مسلم لیگ ن کی جانب سے سابق وزیراعظم نواز شریف کا نام ای سی ایل سے نکلوانے کے لئے حکومت کو درخواست دے دی گئی ہے۔

ذرائع کے مطا بق نواز شریف کا نام ای سی ایل سے نکالنے کے لیے درخواست نواز شریف کی فیملی کی جانب سے دی گئی جو کہ بیماری اور ملک سےباہرعلاج کرانے کی بنیاد پر دی گئی ہے۔

اطلاعات ہیں کہ نواز شریف علاج کے لیے ملک سے باہر جانا چاہتے ہیں۔

واضح رہے کہ احتساب عدالت کے باہر میڈیا سے گفتگوکرتے ہوئے مسلم لیگ ن کی نا ئب صدرمریم نواز کا کہنا تھا کہ نواز شریف کی صحت بہت خراب ہے، ان کے پلیٹ لیٹس ادویات سے بھی بہتر نہیں ہو رہے، نواز شریف کے پلیٹ لیٹس گزشتہ روز بھی گر گئے تھے، ان کی بیماری کی تشخیص نہیں ہو رہی، سیاست چلتی رہے گی، والدین دوبارہ نہیں ملتے، بڑی مشکل سے آج عدالت پیش ہوئی۔