وزیراعلی بلوچستان جام کمال خان سے یونیسف کی چیف فیلڈ آفس کی سربراہ ریم ترازی کی ملاقات ہوئی۔

ملاقات میں یونیسف فیلڈ آفس کی سربراہ نے وزیراعلیٰ کو یونیسف کے تحت جاری تشنج سے بچاؤ مہم سے آگاہ کیا۔

یونیسف فیلڈ آفس کی سربراہ کا کہنا تھا کہ پروگرام کا مقصد حاملہ خواتین اور نوزائیدہ بچوں کو تشنج جیسے خطرناک مرض سے بچانے کے لئے حفاظتی ٹیکے لگائا ہےاوراس مہم میں بلوچستان کے عوام بھرپور طریقے سے حصہ لیں۔

اس موقع پر وزیراعلی بلوچستان جام کمال خان کا کہنا تھا کہ بلوچستان بھر میں پہلی بار تسنج سے بچاو  پروگرام کا آغاز ایک مہم کی صورت میں  کیا جا رہا ہے، عوام تشنج سے بچاؤ کے حفاظتی تدابیر کی مہم میں بھرپور شرکت کریں۔

وزیراعلی بلوچستان جام کمال خان کا مزید کہنا تھا کہ صحت ایک سنجیدہ معاملہ ہے جس کو حکومت ترجیحی بنیادوں پر سنجیدگی سے دیکھ رہی ہے اور حکومت عوام کو بہتر طبی سہولیات کی فراہمی یقینی بنانے کے لئے پوری طرح سنجیدہ ہے۔