نوازشریف علاج کے لیے پیر کو لندن روانہ ہوں گے جبکہ سابق وزیراعظم کے ساتھ شہبازشریف اور ڈاکٹر عدنان کے ٹکٹ کرالیے گئے ہیں۔

ذرائع کے مطابق ٹکٹ پر واپسی کی تاریخ ستائیس نومبر درج ہے جبکہ روانگی صبح نو بجکر پانچ منٹ پر قطر ایئرویز کی پرواز سے ہوگی۔

نوازشریف کی ٹکٹ قطر ایئرویئر کی پرواز کیوآر 629 سے لندن کے لیے بک کی گئی ہے جبکہ نواز شریف کی بزنس کلاس کی ٹکٹ بک کرائی گئی ہے۔

میاں نواز شریف کی ایئرایمبولینس کے بجائے کمرشل طیارے سے لندن روانگی کی تیاری کرلی گئی ہے۔

ذرائع کا کہنا ہے کہ لندن اور پاکستان میں ڈاکٹرز سے نوازشریف کی طبیعت کے حوالے سے مشاورت کرلی گئی ہے جبکہ لندن میں حسین نواز اور اسحاق ڈار نے انتظامات مکمل کرلیے ہیں۔

حکومت کی جانب سے سابق وزیراعظم نواز شریف کا نام ای سی ایل سے ہٹانے کا فیصلہ کیا گیا تھا جس کے بعد وزارت داخلہ نے درخواست گزار سے گارنٹی مانگ لی جس کے مطابق شہباز شریف کو ممکنہ طور پر5سے چھ بلین ڈالرز کی گارنٹی دینا ہو گی۔