غیر قانونی طور پر ایران میں داخل ہونے والے مزید 27 پاکستانی تارکین وطن کو گرفتار کر کے ایرانی حکام نے تفتان سرحد پر لیویز حکام کے حوالے کردیا۔

یویز ذرائع کے مطابق زیر حراست افراد بہتر روزگار کی تلاش میں ایران کے راستے یورپ جانا چاہتے تھے جنہیں ایران کے مختلف علاقوں سے گرفتار کیا گیا۔

 لیویز حکام نے ضروری کارروائی کے بعد زیر حراست تارکین وطن کو مزید تحقیقات کی غرض سے ایف آئی اے کے حوالے کردیا جن کے خلاف مقدمے کے اندراج کے بعد مزید تحقیقات شروع کردی گئی ہیں۔

واضح رہے اس سے قبل بھی ایرانی سکیورٹی فورسز نے غیر قانونی طور پر ایران میں داخل ہونے والے 79 پاکستانی تارکین وطن کو گرفتار کرلیا تھا جنہیں بعد ازاں ایرانی سرحدی انتظامیہ نے چاغی سے ملحق تفتان سرحد پر ڈی پورٹ کرکے مقامی لیویز حکام کے حوالے کردیا تھا۔