ڈاکٹر فردوس عاشق اعوان نے کہا ہے کہ مولانا صاحب دینی مدارس کے معصوم طلباء کو سڑکوں پر لاکر انتشار کی دھمکیاں دے رہے ہیں لیکن قوم اب کسی صورت مولانا کو مذہب کارڈ استعمال نہیں کرنے دے گی۔

سماجی رابطے کی ویب سائٹ پر اپنے ایک پیغام میں ڈاکڑ فردوس عاشق اعوان نے آزادی مارچ اور مولانا کو تنقید کا نشانہ بناتے ہوئے کہا ہے کہ ا نہیں فقط ذاتی مفادات عزیز ہے ملک و قوم اور عوام کا نہ تو انہیں پہلے خیال تھا نہ اب ہے اور نہ ہی یہ کبھی ملکی مفاد کا سوچ سکتے ہیں، وزیراعظم عمران خان نہ تو ان کے ساتھ ڈیل کرنے کو تیار ہے اور نہ ہی انہیں ڈھیل دینے کو۔

انہیں فقط ذاتی مفادات عزیز ہے ملک و قوم اور عوام کا نہ تو انہیں پہلے خیال تھا نہ اب ہے اور نہ ہی یہ کبھی ملکی مفاد کا سوچ سکتے ہیں .وزیراعظم عمران خان نہ تو ان کے ساتھ ڈیل کرنے کو تیار ہے اور نہ ہی انہیں ڈھیل دینے کو۔

— Dr. Firdous Ashiq Awan (@Dr_FirdousPTI) November 2, 2019

انہوں نے مزید کہا کہ مولانا صاحب عوام اب مکمل طور پر بیدار ہوچکے ہیں ماضی میں وہ کرپٹ سیاستدانوں کے کرتوت دیکھ چکے ہیں اور آپ ہمیشہ اپنے ذاتی مفادات کے لیے ان کرپٹ حکمرانوں کو تحفظ دیتے رہے ہیں۔

انکا کہنا تھا کہ دارالخلافہ میں کھڑے ہوکر قومی اداروں پر پر زبان درازی کررہے ہیں.مولانا صاحب قومی اداروں پر تو دشمن حملہ آور ہوتے ہیں آپ کا کیا ایجنڈاہے؟ سیاسی بونے ایک ایک کرکے محض اس لیے اچھل کود میں مصروف ہے کہ خود کو احتسابی شکنجے سے بچا لیں۔