پی آئی اے کے فضائی میزبان کی حاضر دماغی نے ادارے کو لاکھوں روپے نقصان سے بچالیا۔

تفصیلات کے مطابق دبئی سے لاہور پہنچنے والی پی آئی اے کی پرواز پی کے204 کی ایمرجنسی سلائڈنگ کھلنے سے بال بال بچ گئی۔

طیارے کی لینڈنگ کے بعد کپتان نے ڈس آرمنگ کی اناوسمنٹ نہیں کی اور فضائی میزبان کو آل ڈور از اوکے کا میسج دیدیا جبکہ آل ڈور از اوکے کا میسج ملنے کے بعد فضائی میزبان نے گیٹ نمبر ایل ون کھولنے کی کوشش کرنے لگی تو وارننگ سسٹم بج گیا۔

جسکے بعد فضائی میزبان نے حاضر دماغی کا مظاہرہ کرتے ہوئے دروازہ دوبارہ سے بند کردیا اور مسافروں کو آدھے گھنٹے بعد پچھلے دروازے سے جہاز سے اتار دیا گیا۔

واضح رہے کہ ایئربس320 طیارے کی ایمرجنسی سلائیڈ کھل جاتی تو پی آئی اے کو لاکھوں روپے کا نقصان برداشت کرنا پڑتا جبکہ طیارے کو کیپٹن احسن زیدی آپریٹ کر رہے تھے۔

پی آئی اے انتظامیہ نے واقعہ کا نوٹس لیتے ہوئے تحقیقات شروع کردی گئیں۔